Лондоннинг "Арсенал" клуби ҳужумчи Эдди Нкетианинг потенциал харидорларига чегирма беришга тайёр.
"Марсель" 25 ёшли футболчига асосий даъвогар сифатида кўрилмоқда. “Канонирлар” форвард учун тахминан 35 миллион евро сўрашган ва француз клуби бундай талабни қондиришга тайёрлигини билдирмаган.
Журналист Фабрис Хокинснинг хабар беришича, Провансликлар Элье Вахини "Ланс"дан сотиб олишга уринишларида муваффақиятсизликка учради, шунинг учун улар Нкетиа учун пойгага қайтишмоқда. "Арсенал" ҳозирда англиялик футболчи учун 25 миллион евро сўрамоқда.
