Франциянинг "Марсель" клуби "Арсенал" билан ҳужумчи Эдди Нкетианинг трансфери бўйича музокараларни давом эттиришга тайёр.
Sky Sports нашри хабарига кўра, "Марсель" тез орада "канонирлар" билан боғланишади. 25 ёшли форварднинг қийматини баҳолашда томонлар ўртасида ҳамон келишмовчиликлар мавжуд, бироқ жараён иштирокчилари яқин келажакда муроса топишга умид қилишмоқда.
"Марсель" бош мураббийи, аввалроқ "Брайтон" мураббийи сифатида ишлаган Роберто де Дзербига Нкетианинг ўйини жуда ёқади. Нкетиа ўтган мавсумда "Арсенал"нинг захира ҳужумчиси бўлган, бироқ бешта гол ва иккита голли узатмани амалга оширишга муваффақ бўлганди.
