Ярим ҳимоячи Дани Ольмо "Лейпциг"дан "Барселона"га ўтди. Испаниялик футболчи трансфер олдидан ижтимоий тармоқларда баёнот эълон қилди.
"Ёш клуб, ёш ўйинчи... Биз улғайдик, илк совринларимизни қўлга киритдик ва бирга тарих яратдик. Икки кубок ва бир супер кубок мен билан абадий қоладиган унутилмас лаҳзалардан фақат бир нечтаси. Раҳмат сизга, "Лейпциг", сиз менинг қалбимда абадий қоласиз", — деб ёзган Ольмо сараланган суратлар остига.
Аввалроқ, "Барселона" 26 ёшли Дани Ольмонинг трансферини жума куни охиригача эълон қилиши кераклиги хабар қилинганди.
