"Манчестер Сити" ярим ҳимоячиси Матео Ковачич жамоага мослашиши ҳақида гапирди.
"Бошланиши мен учун қийин бўлди. Бир нечта муваффақиятсизликлар бўлди. Мураббий айтган ҳамма нарсани тез бажариш осон эмас эди. Аммо бу жараёнда сиз буларнинг барчаси жуда мантиқий эканини тушуна бошлайсиз", - деди Ковачич.
30 ёшли Ковачич ўтган ёздан бери "Манчестер Сити"да ўйнаб келмоқда. Бу вақт ичида у барча турнирларда 46 учрашувда майдонга тушиб, учта гол урди ва битта голли узатмани амалга оширди.
Ковачичнинг "Манчестер Сити" билан шартномаси 2027 йилгача мўлжалланган. Transfermarkt футболчининг нархини 30 миллион еврога баҳоламоқда.
