"Барселона" ярим ҳимоячиси Френки де Йонг ўз режаларини ўзгартирмаяпти.
Охирги миш-мишларга кўра, Каталония клуби 27 ёшли футболчини жорий трансфер ойнасида бонусларни ҳисобга олмаганда 60 миллион еврога сотишга тайёр. Бироқ, журналист Жанлуиджи Лонгари хабар беришича, нидерландияликнинг режаларида клубини ўзгартириш йўқ. Ярим ҳимоячи "кўк-анорранглилар" сафида ўйнашни давом эттиришга қарор қилди.
Френки де Йонг тўпиғидан олган жароҳати туфайли апрель ойида бўлиб ўтган "Эл-Класико"дан бери майдонга туша олмади. Футболчи Европа чемпионати ва “Барселона”нинг мавсумолди йиғинини ўтказиб юборди.
