Ҳужумчи Жоау Феликс ва ўнг қанот ҳимоячиси Жоау Канселунинг "Барселона"га қайтиши тобора қийинлашиб бормоқда. Эслатиб ўтамиз, ҳар икки португалиялик футболчи ўтган мавсумда ижара асосида "кўк-анорранглилар" сафида ўйнаган.
Diario AS маълумотларига кўра, Канселу ва Феликс "Барселона"га қайтишни исташмоқда, аммо раҳбарият уларнинг қайтишини қийин деб ҳисобламоқда. Гап нафақат молиявий масалаларда, балки бош мураббий Ханс-Дитер Фликнинг мавсумолди йиғинида яхши ўйин кўрсатган ёш футболчилар ёрдамида португалиялик футболчини алмаштиришга тайёрлигида ҳам бор.
Эслатиб ўтамиз, "Барселона" ўтган мавсумда Ла Лигани иккинчи ўринда якунлаганди.
