Федерико Кьезанинг агенти «Бешиктош» билан футболчининг трансфери борасидаги музокараларни рад этди.

Олдинроқ турк клуби ярим ҳимоячини қимматлиги туфайли сотиб олишдан бош тортгани ҳақида маълумотлар пайдо бўлганди.

Клуб вице-президенти Ҳусейин Юджелга тегишли сўзларда футболчи 9 миллион евро маош, «Ювентус» эса 15 миллион евро пул талаб қилгани айтилган. «Бешиктош» бундай сўровларни мантиқсиз ва амалга ошириш қийин деб ҳисоблагани, шунинг учун ҳам трансфердан бош тортгани таъкидланди.

«Мен бу одамни танимайман ва ҳеч қачон «Бешиктош» билан Федерико Кезанинг трансфери бўйича музокара қилмаганман», - деди ярим ҳимоячининг вакили Фали Рамадани.