"Реал Сосьедад" ярим ҳимоячиси Мартин Субименди ўз жамоаси билан хайрлашишни истамаяпти.
"Ливерпуль" 25 ёшли футболчи учун асосий даъвогар саналади ва миш-мишларга кўра, унинг товон пули 60 миллион еврони тўлашга тайёр. Журналист Маттео Мореттонинг сўзларига кўра, испаниялик ярим ҳимоячини "қизиллар" сафида ўйнаш имконияти жуда қизиқтиради, бироқ у ҳозирги трансфер ойнасида "Реал Сосьедад"ни тарк этиши керакми ёки йўқми ҳалигача ишончи комил эмас.
Мартин Субименди бутун фаолиятини баск клублари тизимида ўтказади. Футболчи "кўк-оқлар" асосий таркибида 188 та ўйин ўтказган.
