"Челси" бош мураббийи Энцо Мареска ярим ҳимоячи Педру Нетунинг трансфери ҳақида фикр билдирди.
"Мен жуда хурсандман, у бизга кўп нарсани таклиф қилади. У қанотда ҳам ўнгда, ҳам чапда ўйнашга қодир, яккакурашларда жуда яхши. Энди бизда бошқа вариант бор, чунки мавсумда ўйинлар кўп бўлади, шунинг учун бизга катта таркиб керак", - деди Мареска.
Нету "Челси"га 2024 йилнинг августида "Вулверхэмптон"дан келиб қўшилди. Трансфер суммаси 60 миллион еврони ташкил қилган футболчининг клуб билан шартномаси 2031 йилнинг ёзига қадар тузилган.
Ўтган мавсумда 24 ёшли футболчи 24 та ўйинда майдонга тушиб, 3 та гол урди ва 11 та голли узатмани амалга оширди.
