"Chelsi" bosh murabbiyi Enso Mareska yarim himoyachi Pedru Netuning transferi haqida fikr bildirdi.

"Men juda xursandman, u bizga ko‘p narsani taklif qiladi. U qanotda ham o‘ngda, ham chapda o‘ynashga qodir, yakkakurashlarda juda yaxshi. Endi bizda boshqa variant bor, chunki mavsumda o‘yinlar ko‘p bo‘ladi, shuning uchun bizga katta tarkib kerak", - dedi Mareska.

Netu "Chelsi"ga 2024 yilning avgustida "Vulverxempton"dan kelib qo‘shildi. Transfer summasi 60 million yevroni tashkil qilgan futbolchining klub bilan shartnomasi 2031 yilning yoziga qadar tuzilgan.

O‘tgan mavsumda 24 yoshli futbolchi 24 ta o‘yinda maydonga tushib, 3 ta gol urdi va 11 ta golli uzatmani amalga oshirdi.