Исми ошкор этилмаган Саудия клуби «Реал» ҳужумчиси Винисиус Жуниорга «ақл бовар қилмайдиган» таклиф билан чиқди, бироқ у рад жавобини берди, дея хабар беради журналист Марио Кортежана. Потенциал харидорлар яқин орада бразилияликни яна ишонтиришга ҳаракат қилишлари кутилмоқда, бироқ футболчи кетиш ниятида эмас. У «Қироллик клуби»да бахтли ва «Олтин тўп»ни қўлга киритиш орзусини амалга ошириш ниятида.
"Transfermarkt" портали экспертлари Винисиус Жуниорнинг нархини 180 миллион еврога баҳоламоқда. 24 ёшли ҳужумчининг «Реал» билан амалдаги шартномаси 2027 йилнинг ўрталарига қадар тузилган.
