«Барселона» ярим ҳимоячи Френки де Йонг билан хайрлашишга тайёр.
27 ёшли футболчига «Манчестер Юнайтед» қизиқиш билдирмоқда ва Каталония раҳбарияти жорий трансфер ойнаси ёпилгунга қадар «қизил иблислар» нидерландиялик футболчи учун расмий таклиф билан чиқишларига умид қилмоқда, дея хабар беради инсайдер Жерар Ромеро. Асосий тўсиқ - ярим ҳимоячининг жароҳати. Футболчининг тикланиш муддати ҳозирча номаълум.
Эслатиб ўтамиз, Френки де Йонг апрель ойида «Реал»га қарши ўйинда тўпиғидан жароҳат олганди - шундан бери у майдонга тушмади.
