Испания терма жамоаси ва Бильбаонинг “Атлетик” клуби вингери Нико Уильямс келажакдаги фаолияти ҳақида бир қарорга келди. Sport.es саҳифаларида хабар қилинганидек, 22 ёшли Европа чемпиони "Барселона" раҳбариятига ёзда Каталония грандига ўтишга тайёрлигини маълум қилган.
Клуб шу ҳафта шартномани ёпишни кутмоқда. Трансфер суммаси 62 миллион еврога баҳоланмоқда.
Ўтган мавсумда Уилямс Испания чемпионатининг 31 ўйинида иштирок этган. Ярим ҳимоячи 5 та гол урди ва 11 та голли узатмани амалга оширди.