«Атлетико Мадрид» ҳужумчиси Жоау Феликс Лондоннинг «Челси»сига қайтиш учун маошини сезиларли даражада камайтиришга тайёр. Журналист Мэтт Лоунинг сўзларига кўра, португалиялик футболчи «Стэмфорд Бриж»га ўтишни истамоқда.
«Челси» Феликсни 50 миллион еврога сотиб олиши мумкин. Трансфернинг мумкин бўлган шартлари "кўклар" учун жуда жозибадор деб ҳисобланмоқда, аммо якуний қарор ҳали қабул қилинмаган.
Манбанинг таъкидлашича, Феликс «Челси»га ўтган тақдирда ҳам «кўклар» янги ҳужумчи трансфер қилиш режаларидан воз кечишмайди. Клуб учун вариантлардан бири - «Наполи» аъзоси Виктор Осимхен.
