Мадриднинг "Реал" клубининг бразилиялик ҳужумчиси Винисиус Жуниор фаолиятини Саудия Арабистонида давом эттириши мумкин.
The Athletic нашри хабарига кўра, "Ал-Аҳли" 24 ёшли футболчининг хизматларига қизиқиш билдирмоқда ва бир ой давомида "Реал" билан музокара олиб бормоқда. Манбага кўра, Саудия клуби Винисиус учун бир миллиард евро тўлаши мумкин. Бундан ташқари, бразилияликнинг ўзига беш йиллик шартнома таклиф қилинмоқда, бу келишувга кўра у бир миллиард евродан кўпроқ маош олади.
Таъкидланишича, Саудия Арабистони Винисиусни мамлакатда 2034 йилда бўлиб ўтадиган жаҳон чемпионатининг юзига айлантирмоқчи. Винисиуснинг "Реал" билан амалдаги шартномаси 2027 йилгача мўлжалланган. Transfermarkt футболчининг нархини 180 миллион еврога баҳоламоқда.
