"Атлетико Мадрид"нинг янги футболчиси Хулиан Альварес ўзининг собиқ жамоаси "Манчестер Сити" билан хайрлашди.
Эслатиб ўтамиз, аргентиналик футболчининг трансферини "матрасчилар" шу душанба куни расман эълон қилган эди.
"Бугун мен бу ажойиб клуб билан катта ҳаяжон ила хайрлашаман. Бу жуда ўзига хос икки йилни ўз ичига олди.
Бу вақт ичида мен ўсдим ва кўп нарсаларни ўргандим – ҳам футболчи, ҳам шахс сифатида. Директорлар ва техник ходимларга, ишончингиз ва қўллаб-қувватлаганингиз учун раҳмат, сиз менга кўп нарсаларни ўрганишга ёрдам бердингиз.
Жамоадошларимга биз баҳам кўрган ҳар бир лаҳза, ҳар бир машғулот ва ҳар бир ўйинда ҳаракат ва фидойилик учун раҳмат айтаман. Мен сизларнинг ҳар бирингиздан жуда кўп нарсани ўргандим ва абадий хотиралар ва дўстлик туйғуларига эга бўламан.
Мухлисларга ишонч билан қўллаб-қувватлагани ва биринчи кунданоқ ўзимни уйдагидек ҳис қилишга ёрдам бергани учун чин қалбимдан раҳмат айтаман", - дея Альвареснинг сўзларини келтиради «шаҳарликлар» матбуот хизмати.
