"Ньюкасл" Марк Гехи бўйича "Кристал Пэлас"га учинчи таклиф билан чиқди.
Sky Sports хабарига кўра, дам олиш кунларида янги таклиф "Кристал Пэлас" томонидан кўриб чиқилди. Клублар музокараларни давом эттирмоқда.
Жума куни эса ҳимоячини сотиб олиш бўйича иккинчи таклиф рад этилгани хабар қилинганди. Бу тахминан 50 миллион фунт стерлинг атрофида бўлган.
Лондонликлар футболчини 65 миллион фунтга баҳоламоқда. Нархдан ташқари, футболчининг амалдаги шартномаси икки йилдан кейин тугаши ҳам музокараларда асосий омил ҳисобланади.
Таъкидланишича, Эдди Хау ёзда марказий ҳимоячини асосий трансфер мақсади деб билишда давом этади.
