«Бавария» ҳимоячилари Маттейс де Лигт ва Нуссайр Мазрауи «Манчестер Юнайтед»нинг Каррингтон базасида тиббий кўрикдан муваффақиятли ўтди, деб ёзади Фабрицио Романо.

Томонлар ўртасидаги шартномалар футболчиларнинг агенти Рафаэль Пимента билан Манчестерда имзоланади.

Ҳужжатлар 24 соат ичида тайёр бўлиши керак, шунинг учун футболчилар 16 август куни Премьер-лиганинг биринчи турида «Фулхэм»га қарши ўйнашлари мумкин бўлади.

Олдинроқ «Бавария» де Лигт учун 45+5 миллион евро, Мазрауи учун 15+5 миллион олиши ҳақида маълумот бор эди.