10 метрга аралаш жуфтликда пневматик тўппончадан ўқ отиш бўйича кумуш медални қўлга киритган туркиялик 51 ёшли Юсуф Дикеч ўзининг мэм ҳаракати ҳақида гапирди.

"12 йил олдин жаҳон чемпиони бўлганимда худди шундай позицияда қатнашганман. Мен ундан танамни янада барқарор, мувозанатли ва қулайроқ сақлаш учун фойдаланаман.

Бундан ташқари, унга бошқа маъно беришнинг ҳожати йўқ. Менимча, одамлар буларнинг барчасида гўзал нарсаларни кўрдилар.

У одамларнинг қалбини забт этди ва бу мени энг бахтли қилади", - дея Дикечнинг сўзларини келтиради AFP.