Англия Премьер-лигаси “Манчестер Сити”ни 2009-2018 йиллар давомида 115 та молиявий қоидаларни бузганликда айбламоқда. Журналист Мартин Зиглернинг сўзларига кўра, бу иш бўйича тингловлар сентябрь ойининг ўрталаридан охиригача бошланиши режалаштирилган. Мустақил комиссия ўн ҳафта ичида якуний ҳукм чиқариши кутилмоқда. Шундай қилиб, агар ҳамма нарса режа бўйича кетса, "шаҳарликлар" тақдири кейинги йил бошида ҳал қилинади.
"Манчестер Сити" Англия чемпионатининг сўнгги тўртта мавсумида ғалаба қозонди. 18 август куни Пеп Гвардиола шогирдлари навбатдаги чемпионлик ҳимоясини Лондоннинг “Челси” клубига қарши сафарда бошлайди. Учрашув Тошкент вақти билан 20:30да бошланади.
