"Барселона"нинг янги футболчиси Дани Ольмо рўйхатдан ўтишда юзага келиши мумкин бўлган муаммолар ҳақидаги саволга жавоб берди.
Молиявий чекловлар туфайли Каталония гранди кўпинча янги футболчиларини рўйхатдан ўтказишда қийналади. Ольмо ҳам таҳдид остида бўлиши мумкин, аммо испаниялик футболчи бундан хавотирда эмас.
"Мен хавотирдаманми? Йўқ. Клуб рўйхатдан ўтишим устида ишламоқда, мен эса бор эътиборимни фақат футболга қаратганман”, — деди 26 ёшли футболчи.
"РБ Лейпциг"дан Дани Ольмонинг трансфери "Барселона"га бонус тўловлари ҳисобга олинса, 60 миллион евродан кўпроққа тушди.
