"Ювентус" вингери Федерико Кьеза янги клуб топа олмаяпти. "Кекса синьора" 26 ёшли футболчини сотувга қўйди, бироқ ҳозирча унинг сўровларини қаноатлантирадиган жамоа топилмади.
Журналист Фабиана делла Валленинг сўзларига кўра, Кьезада ҳозирча аниқ таклифлар йўқ, аммо у ҳали ҳам Англия Премьер-лигаси клубига ўтишни орзу қилади.
Италиялик футболчига Лондоннинг "Арсенал" ва "Тоттенхэм" клублари қизиқаётгани ҳақида хабарлар тарқалган эди. Федерико Кьезанинг Transfermarkt порталидаги нархи 35 миллион евро.
"Ювентус" футболчини арзон нархда сотиши мумкин, чунки унинг шартномаси келаси йилнинг ўрталарида тугайди.
