"Ювентус" ва "Фиорентина" ўртасидаги Николас Гонсалес борасидаги музокаралар якунланиши керак эди. Аргентиналик футболчи Турин клубига ўтишга яқин эди, бироқ "бинафшалар" ўз вақтида 26 ёшли вингернинг ўрнига футболчи имзолай олмагани учун шартномани музлатиб қўйишди, деб хабар беради Sky Sport.
"Фиорентина" Гонсалес ўрнига "Женоа" юлдузи Альберт Гудмундссонни таклиф қилишни режалаштирганди, аммо бу трансфер, қизиқки, худди шу сабабга кўра кечиктирилди, генуяликлар ҳали исландияликнинг ўрнига одам топа олишмади.
Миш-мишларга кўра, "Ювентус" Николас Гонсалесни сотиб олиш мажбурияти билан ижарага олмоқчи эди. Операциянинг умумий қиймати тахминан 30 миллион еврони ташкил қилади.
