"Манчестер Юнайтед" яқин орада "Фиорентина"дан ҳимоячи ярим ҳимоячи Софьян Амрабатни яна жамоага таклиф қилиши мумкин. Эслатиб ўтамиз, марокашлик футболчи ўтган мавсумда "манкунианликлар" сафида ижара асосида ўйнаганди.
Журналист Лори Уитуэллнинг сўзларига кўра, Амрабат ҳозирда "Олд Траффорд"га қайтишга тайёр. "Манчестер Юнайтед" марокашлик ярим ҳимоячини бошқа ижарага олиш борасида ҳали бир қарорга келмаган. Амрабатга Туркиянинг Галатасарой клуби ҳам қизиқиш билдирмоқда. Ҳозирда ярим ҳимоячининг "Фиорентина" билан шартномаси тугашига бир йил бор. "Бинафшаранглар" ушбу трансфер ойнасида марокашлик билан хайрлашишга тайёр.
