Конор Галлахер Мадридда, "Атлетико Мадрид"га ўтиш жараёни тугашини кутмоқда.
Аввалроқ Галлахер “Атлетико” билан 5 йиллик шартнома имзолагани, бироқ “Челси” билан келишув ҳалигача ёпилмагани ҳақида хабар берилганди. Саму Омородионнинг трансфери муваффақиятсизликка учрагач, клублар келишувга Жоау Феликсни қўшиш имкониятини муҳокама қилишмоқда.
The Telegraph нашри хабарига кўра, Галлахер трансфер ҳақидаги расмий эълонни кутар экан, сўнгги беш кунни Мадриддаги меҳмонхоналардан бирида якка тартибда ўтказган. Инсайдер Фабрицио Романонинг айтишича, "Челси" Конорнинг Лондонга қайтишини талаб қилмоқда.
Айни дамда "Атлетико Мадрид"га ўтиш масаласи очиқлигича қолмоқда, аммо "кўклар" Галлахернинг сотилиши ва Феликснинг имзоланишини алоҳида келишув деб ҳисобламоқда. Қайд этилишича, сешанба охиригача "Атлетико" барча керакли ҳужжатларни имзоламаса, Конор Англияга қайтади.
