"Интер" ярим ҳимоячиси Ҳакан Чалханўғлу жамоа ҳужумчиси Лаутаро Мартинес "Олтин тўп"га лойиқ эканини айтди.
“Лаутаро – сардор, у жамоадошлари билан қандай мулоқот қилишни билади, гол уради. Мен у учун хурсандман ва у мукофотни қўлга киритишига ишонаман. Мавсум якунида ҳамма нарсани ютиб олсак, хурсанд бўламан", - деди Чалханўғлу SkySport Italia билан суҳбатда.
12 август куни Мартинес "Интер" билан шартномасини 2029 йилнинг ёзига қадар узайтирди.
26 ёшли аргентиналик футболчи 2018 йилдан буён “Интер” сафида ўйнаб келмоқда. 2023/24 йилги мавсумда аргентиналик футболчи 44 та ўйинда иштирок этиб, 27 та гол урди ва 7 та голли узатмани амалга оширди.
