Туркиянинг “Фенербаҳче” клуби Франциянинг “Лилль” клубига қарши тура олмагани учун Чемпионлар лигасидан чиқиб кетди. Биринчи учрашувда мағлубиятга учраган Жозе Моуриньо шогирдлари жавоб ўйинида ғалаба қозона олмай, турнирни тарк этишди.
Португалиялик мутахассис шундай вазиятда ҳам ўзига содиқ қолди. У аслида ғалаба қозониш шарт эмаслигини айтди.
"Биз қўлимиздан келганини қилдик. "Фенербаҳче" дунёнинг энг буюк клублари билан ўйнаш имкониятидан маҳрум бўлди. Бошқа томондан, барибир биз ҳеч қачон Чемпионлар лигасида ғалаба қозона олмаймиз", - деди португалиялик мураббий ўйиндан кейин.
Моуриньо “Рома” томонидан истеъфога чиқарилганидан сўнг турк клуби бош мураббийи лавозимини эгаллаган эди.
