"Ан-Наср"нинг 30 ёшли марказий ҳимоячиси Аймерик Лапорт ўзига қизиқаётган "Реал Мадрид"га ўтмоқчи.
Бироқ трансфер испаниялик футболчи Саудия жамоаси билан фойдали шартномани бекор қилиб, Карло Анчелотти жамоасига қўшилган тақдирдагина амалга ошиши мумкин. Бу ҳақда Испаниянинг AS нашри хабар берди.
Манбага кўра, "Реал" марказий ҳимоячи позициясига Лапортдан ташқари бошқа ўйинчиларни кўриб чиқмаяпти, бироқ футболчининг ўзи катта хоҳишига қарамай, Саудия жамоаси билан уч йиллик шартномани бекор қилиш бўйича келишувга эришиш имконияти кам.
Футболчининг “Ан-Наср”даги маоши мавсумига 24 миллион еврони ташкил қилади.
Қайд этилишича, Европа чемпиони хизматларига “Лос-Бланкос”дан ташқари “Атлетик Бильбао” ва “Атлетико Мадрид” клублари ҳам қизиқиш билдирмоқда.
