"Реал Мадрид" бош мураббийи Карло Анчелотти "Аталанта"га қарши УЕФА Суперкубоги ўйини олдидан ўтказилган матбуот анжуманида Килиан Мбаппенинг жисмоний тайёргарлиги ҳақидаги саволга жавоб берди.
"Ҳамма яхши формада, Килиан ҳам. У бу ерда бўлган барча каби асосий таркибда майдонга тушиши мумкин. Вақтимиз кам бўлса-да, ҳамма ўйнаши мумкин. Килиан жуда яхши мослашади, диққатини жамлайди, ўзининг ажойиб фазилатларини намоён этади", - деди Анчелотти Marca билан суҳбатда.
Эслатиб ўтамиз, франциялик футболчи мавсумолди йиғинида "қаймоқранглилар"нинг барча учрашувларини ўтказиб юборган.
Бугун, 14 август куни Польшада "Реал Мадрид" - "Аталанта" учрашуви бўлиб ўтади.
