"Ливерпуль" 31 ёшли ҳимоячи Ватару Эндони сотишга тайёр. Бу ҳақда The Sun хабар бермоқда.
Манбага кўра, япониялик футболчига Шотландиянинг "Селтик" клуби қизиқмоқда. Таъкидланишича, мерсисайдликлар янги бош мураббийи Арне Слот таянч зонасида Раян Гравенберх ва Стефан Байцетичдан фойдаланишни афзал кўрмоқда.
Бироқ Эндонинг "Селтик"га ўтишига тўсиқ футболчининг нархи бўлиши мумкин. “Ливерпуль” ярим ҳимоячини сотишдан 15 миллион фунт (17,5 миллион евро) ишлаб олишни кутмоқда.
Япониялик футболчи 2023 йилнинг ёзида “Ливерпул”га ўтган эди. Бу даврда у барча турнирларда 43 та учрашувда иштирок этиб, иккита гол ва битта голли узатмани амалга оширган.
