Миллий гвардиянинг Тошкент шаҳар бошқармаси хабарига кўра, 2024 йилнинг 11 август куни «Бунёдкор» стадионида «Бунёдкор» ва «Андижон» жамоалари ўртасида футбол учрашувини стадионнинг VIP ложасида томоша қилган Андижон футбол клуби аъзоси Mарлен Чобанов учрашув якунланганидан сўнг, VIP бўлими орқали ичкарига киришга уринган. Махсус рухсатномага (бейджик) эга бўлмаган футболчидан Миллий гвардия ҳарбий хизматчиси унинг қаерга кетаётганини, чиқиш учун бошқа йўлакдан фойдаланиши зарурлигини айтган.

Бошқарманинг таъкидлашича, Чобанов ҳарбий хизматчининг қонуний талабларига бўйсунмасдан, хизмат фаолиятига қаршилик кўрсатиб, унинг юз қисмига қўли билан бир маротаба уриб, тан жароҳати етказган. Ҳолат юзасидан жиноят иши қўзғатилган.