Рой Кин янги мавсум олдидан "Манчестер Юнайтед" жамоасидан хавотир олаётганини билдирди.
"Мен қандай рақобатлашимиздан хавотирдаман, мен ҳамон "Манчестер Юнайтед"нинг асосий қисми ҳақида қайғураман. Чиройли ўйин ва яхши ўйинчиларга қарамай, мен ҳалигача дарвозабон ва ҳужумчи позициялари ҳақида қайғураман.
Қоғозда улар муносиб таркибга эга, лекин аслида уларнинг ўтган мавсумдаги ўйинлари ва натижаларини кузатадиган бўлсак, улар жуда заиф. Агар рақобатбардошлик ҳақида гапирадиган бўлсак, мен асосий позициялар ҳақида қайғураман.
Улар яна саккизинчи ўринни эгаллай олмайдилар, шундай эмасми? Улар у қадар ёмон бўлиши мумкин эмас. Аммо гап тўртинчи ўрин ҳақида кетяпти" - деди “Манчестер Юнайтед”нинг собиқ ярим ҳимоячиси Stick to Football билан суҳбатда.
