Италиянинг қайси клуби А Сериянинг янги мавсумида ғалаба қозониш имконияти юқори эканлиги маълум бўлди

Opta Sports портали жамоаларнинг чемпионлик унвонини қўлга киритиш имкониятларини (фоизда) эълон қилди. Манбага кўра, юқори эҳтимоллик билан чемпионлик яна Миланнинг "Интер" жамоасига насиб этади (78,6 фоиз). Аммо чемпионлик учун иккинчи номзод кутилмаган бўлди. Гап "Аталанта" ҳақида кетмоқда, унинг имконияти 11,5 фоизга баҳоланмоқда.

Кучли учликни "Ювентус" якунлаб турибди (4,3%). Қайд этилишича, "Милан" (1,9 фоиз), "Рома" (1,3 фоиз), "Болонья" (1 фоиз), "Лацио" (0,8 фоиз), "Наполи" (0,3 фоиз) ва "Фиорентина" (0,2 фоиз) клубларида чемпионлик учун имконият кам.

Италиянинг амалдаги чемпиони ўтган мавсумда энг яқин таъқибчисидан 19 очкога ўзиб кетган "Интер" ҳисобланади.