Суперлигада 16-тур старт олди. «Нефтчи» жамоаси бу тур сафарда «Металлург»га қарши баҳс олиб борди ва 0:0 ҳисобида дуранг ўйнади. Беллашувдан сўнг жамоа бош мураббийи Виталий Левченко матбуот анжуманида иштирок этди.

— Жанговар баҳс кўрдик. Ғалабага тайёргарлик кўрган эдик. «Металлург»га ҳозир очко жуда ҳам керак. Улар кутганимиздек мудофаада жуда тартибли ўйин кўрсатди. Бўш зона қолдиришгани йўқ. Биринчи бўлимда об-ҳаво сабабли тезлик паст бўлди. Иккинчи таймда тезлик ошди, биз ҳам, улар ҳам гол киритиб, ютиб кетиши мумкин эди.

— Норчаевнинг кеч захирадан тушишини қандай изоҳлайсиз?
— Норчаев олимпиададан сўнг муаммоларини ҳал қилиши керак. Агар, футбол ўйнамоқчи бўлса машғулотлар ўтказиш керак. У тонусда эмас.

— Жасур Жалолиддинов масаласида янгилик борми?
— Бу раҳбариятга бериладиган савол. Мен ҳам ОАВдаги янгиликларни ўқийман.