Суперлигада 16-тур ўйинлари старт олди. «Олимпик» жамоаси бу тур ўз майдонида «Сўғдиёна» клубини қабул қилди ва 0:1 ҳисобида имкониятни бой берди. Беллашувдан сўнг жамоа бош мураббийи Денис Коростиченко матбуот анжуманида иштирок этди.

— Биринчи навбатда Жиззах клубини ғалаба билан табриклайман. Бугун рақибга жуда кўп имкониятларни яратиб бердик. Уларнинг биридан гол ўтказиб юбордик. Дуранг ўйнашимиз мумкин эди, аммо фойдалана олмадик. Ҳаммаси яхши болади. Вазиятни ўрганиб, ўзгаришларни амалга оширамиз.

— Бугун «Олимпик»ка ҳеч йўқ дуранг қайд этишга нима имкон бермади?
— Ҳақиқатдан ҳам бугун жуда кўп вазиятларга эга бўлдик. Биз мураббийлар штаби билан жамоани яхшилашга эътибор қаратганмиз. Аввалги матбуот анжуманида айтганимдек йигитларга бир-бирини тушуниб олиш учун вақт керак. Нима етишмади? Албатта гол ва реализация етишмади. Олдинги чизиқда бироз кескинлик етишмаяпти. Ҳимояда ҳам бироз дадилроқ бўлиш керак. Агар муаммоларни ҳал этсак, жамоа ўз очколарини жамғаришни бошкайди.

— Қайси хатоларни такрорланмаслигини истаган бўлар эдингиз?
— Ўйинни қайта кўриш керак. Балки, кимдир нотўғри ўйнагандир. Улар яхши мактаб кўришган. Техникаси йўқ деб бўлмайди. Бугун руҳий босим бўлгандир, билмадим жуда оддий вазиятларда хато қилдик.