"Фиорентина" футболчиси Николас Гонсалес тез орада "Ювентус"га ўтади.
26 ёшли футболчи аллақачон "кекса синёра" таклифига рози бўлган эди, бироқ шартномани музлатишга тўғри келди, чунки "Фиорентина" Гонсалес ўрнига чақирилган Алберт Гудмундссонни ("Женоа") сотиб олишда муаммоларга дуч келди.
Энди исландияликнинг трансфери маъқулланди, шунинг учун "бинафшаранглилар" Никони "Ювентус"га қўйиб юборишлари мумкин, дея хабар беради инсайдер Фабрицио Романо.
Агар режадан ташқари ҳеч нарса содир бўлмаса, аргентиналик футболчи яқин орада "бьянконерилар"га янги келган футболчи сифатида тақдим этилади.
Аввал хабар қилинганидек, «Ювентус» Николас Гонсалесни сотиб олиш мажбурияти билан ижарага олди. Операциянинг умумий қиймати тахминан 30 миллион еврони ташкил қилади.
