"Байер" ҳужумчиси Адам Гложек "Хоффенхайм"га ўтишга яқин турибди. Журналист Флориан Плеттенберг хабарига кўра, жамоалар 17 миллион евро + 2 миллион бонуслар эвазига трансфер шартларини келишиб олишган.
"Байер" шартномага Гложекнинг кейинги сотувининг 10 фоизини оладиган вариантни киритди.
Эслатиб ўтамиз, Адам бир неча кун олдин Англиянинг "Лестер" жамоасига кўчиб ўтишга жуда яқин қолганди, бироқ якунда келишув барбод бўлди.
Гложек тез орада "Хоффенхайм" билан тиббий кўрикдан ўтиши ва кейин шартнома имзолаши керак. Сўнгги Бундеслигада 22 ёшли Гложек 2 та гол ва 3 та голли узатмани амалга оширди.
