"Bayer" hujumchisi Adam Glojek "Xoffenxaym"ga o‘tishga yaqin turibdi. Jurnalist Florian Plettenberg xabariga ko‘ra, jamoalar 17 million yevro + 2 million bonuslar evaziga transfer shartlarini kelishib olishgan.
"Bayer" shartnomaga Glojekning keyingi sotuvining 10 foizini oladigan variantni kiritdi.
Eslatib o‘tamiz, Adam bir necha kun oldin Angliyaning "Lester" jamoasiga ko‘chib o‘tishga juda yaqin qolgandi, biroq yakunda kelishuv barbod bo‘ldi.
Glojek tez orada "Xoffenxaym" bilan tibbiy ko‘rikdan o‘tishi va keyin shartnoma imzolashi kerak. So‘nggi Bundesligada 22 yoshli Glojek 2 ta gol va 3 ta golli uzatmani amalga oshirdi.
