"Легия" бош мураббийи Гонсало Фейо Конференциялар лигасининг 3-саралаш босқичи жавоб ўйинида "Брондбю"га қарши ўйиндан сўнг (1:1) рақиб мухлисларига ноўрин ишора қилди.
Польша клуби илк ўйинда ғалаба қозонган (3:2) ва ўйинлар йиғиндисига кўра кейинги босқич саралашига йўл олди. Финал ҳуштаги янграгач, Фейо Дания жамоаси мухлисларига иккита ўрта бармоғини кўрсатди.
Фейо шу йилнинг апрель ойидан бери "Легия"ни бошқариб келмоқда. Аввалроқ 34 ёшли португалиялик мураббий "Мотор Люблин"да ишлаган, у ердан клуб президенти билан можаро туфайли ишдан бўшатилган. Чунки ўшанда Фейо унинг юзига ҳужжатлар солинган папкани улоқтирганди.
