Аргентинанинг "Тальерес" клуби ҳужумчиси Рамон Соса "Ноттингем Форест"га кўчиб ўтди, деб хабар беради инглиз клуби расмий сайти.
Трансфер суммаси 12 миллион еврони ташкил қилди. Шартнома 2029 йилнинг 30 июнига қадар имзоланган. 24 ёшли вингер Парагвай терма жамоаси футболчиси ҳисобланади.
У терма жамоа сафида 14 та ўйин ўтказиб, 1 та гол ва 1 та голли узатмани амалга оширган. Рамон Соса Тальерес таркибида 56 та ўйин ўтказиб, 17 та гол урди ва 13 та голли узатмани амалга оширди. У, шунингдек, Парагвайнинг "Ривер Плейт" (Асунсьон) ва "Олимпия", шунингдек, Аргентинанинг "Химнасия Ла-Плата" клубларида ўйнаган.
