"Бавария" ҳужумчиси Харри Кейн жамоага ёзда келган янги бош мураббий Венсан Компанининг ўйин услуби ҳақида гапирди.
"Менга Компани жуда ёқади. У жуда кўп янги энергия олиб келди. Венсан юқори прессингда ўйнашни, кўп тўпга эга бўлишни, кўп гол уриш учун кўп ҳужум қилишни хоҳлайди.
Менимча, бу бизга, жамоамизга мос келади. Ўйлайманки, ҳафтадан ҳафтага биз унинг ғояларини тушунганимиз сари аста-секин яхшиланиб борамиз.
Менинг биринчи таассуротларим жуда яхши", - дея Кейннинг сўзларини келтирмоқда Bayern & Germany.
