Мюнхеннинг “Бавария” клуби ўз ярим ҳимоячиси Леон Горецкадан қутулишга ҳаракат қилмоқда.
Журналист Флориан Плеттенберг берган маълумотларга кўра, "қизил машина" раҳбарияти ярим ҳимоячига босим ўтказмоқда ва трансфер ойнаси тугагунча уни жамоани тарк этишга мажбурламоқда.
Шу билан бирга, Горецка атрофидагилар Леон 100 фоиз "Бавария"да қолишга ва асосий таркибдаги ўрни учун курашишга қарор қилгани ҳақида хабар беришди. Ярим ҳимоячи мавсумнинг биринчи ярмида мунтазам ўйин амалиётига эга бўлмаса, январь ойида трансфер масаласини кўриб чиқади.
Аввалроқ, 29 ёшли Горецка хизматларига Лондоннинг "Арсенал" клуби қизиқаётгани ҳақида хабарлар тарқалган эди.
