Лондоннинг "Челси" клуби ярим ҳимоячиси Коул Палмер жамоанинг янги бош мураббийи Энцо Мареска билан ишлашдан умидлари билан ўртоқлашди.
Эслатиб ўтамиз, англиялик футболчи бунгача “Манчестер Сити” ёшлар жамоасида италиялик мураббий қўл остида ўйнаган.
"Бизда зўр мураббий бор, унинг маслаҳатлари менга муваффақиятга эришишимга ёрдам беради. Мураббийни тинглаб, қаттиқ меҳнат қилсам, янада яхшироқ бўлишим мумкин", - деди Палмер Sky Sports билан суҳбатда.
Палмер сўнгги мавсумда Премьер-лиганинг энг яхши ёш ўйинчиси деб топилди. 22 ёшли ярим ҳимоячи Англия чемпионатида 22 та гол урди ва 11 та голли узатмани амалга оширди.
