"Арсенал" бош мураббийи Микель Артета вингер Букайо Сака билан Лионель Мессини солиштирди.
22 ёшли англиялик футболчи "канонирлар"нинг АПЛнинг 1-тури учрашувида “Вулверхэмптон” дарвозасига (2:0) гол киритди.
"Нима учун Сака ҳали ҳам чап оёғида зарба беришга ҳаракатланади? Яхши ўйинчилар билан айнан шундай бўлади. Мессидан мисол келтириш мумкин: биз унинг нима қилишини биламиз, лекин у буни тинимсиз қилишда давом этмоқда, уни тўхтатиб бўлмайди. Бу сифат ҳақида гапиради", - деди Артета Football.London билан суҳбатда.
24 август куни "Арсенал" АПЛнинг 2-тури доирасида "Астон Вилла" меҳмони бўлади.
