"ПСЖ" жиддий жароҳат олган Гонсалу Рамушнинг ўрнига янги ҳужумчи олишни режалаштирмаяпти.
23 ёшли португалиялик яқин уч ой давомида майдонга туша олмайди - у операция қилинади. Footmercato хабарига кўра, парижликлар ҳозирги вазиятга қарамай, трансфер бозорида Рамушнинг ўрнига ўринбосар излашмайди.
Клуб Рандалл Коло-Муани ва ҳужумда олдинги ўринни тўлдириши мумкин бўлган бошқа ўйинчиларга ишонади.
Гонсалу Рамуш жароҳатидан олдин ҳам "Наполи" ҳужумчиси Виктор Осимхенга "ПСЖ" қизиқиш билдираётган эди, бироқ, афтидан, Луис Энрике жамоасида янги ҳужумчиларнинг пайдо бўлишини яқин келажакда кутмаслик керак.
