"Ювентус" ярим ҳимоячиси Филип Костич, эҳтимол, клубни тарк этмайди.
"Кекса сеньора" сербни сотувга қўйди ва у раҳбариятнинг қарорини шикоятсиз қабул қилди, аммо унга янги клуб топилмади. Айни пайтда 31 ёшли футболчига жиддий даъвогарлар йўқ. Журналист Жованни Альбанезенинг сўзларига кўра, "Ювентус" Костич билан хайрлашиш режалари барбод бўлиши мумкинлигини тушунади. Шу муносабат билан туринликлар футболчини таркибга қайтариш имкониятини кўриб чиқмоқда - бу вазиятда у Кенан Йилдизнинг позициясига муқобил вариант бўлади.
Қайд этилишича, “Ювентус” аввалроқ қизиқиш билдирган Англиянинг “Кристал Пэлас” клубидан Филип Костич учун таклиф кутмоқда.
