"Барселона" ярим ҳимоячиси Илкай Гюндоган собиқ жамоасига қайтишга қизиқмоқда.
Агар миш-мишларга ишонадиган бўлсак, немис футболчиси ёзги трансфер ойнаси ёпилгунига қадар "блауграна"ни тарк этишни режалаштирмоқда. "Барселона" бош мураббийи Ханс-Дитер Флик Гюндоган қолишига ишонса-да, ярим ҳимоячининг яқин орада кетиши ҳақида гаплар давом этмоқда. Бундан ташқари, LaTDT хабарига кўра, 33 ёшли футболчи "Манчестер Сити" билан боғланиб, унинг эҳтимолий қайтишини муҳокама қилган. "Шаҳарликлар" раҳбарияти ушбу вариантни кўриб чиқишга тайёр.
Илкай Гюндоган 2016 йилдан 2023 йилгача "Манчестер Сити"да ўйнаган, шундан сўнг "Барселона"га ўтган. Ярим ҳимоячининг амалдаги шартномаси келаси ёзда якунига етади.
