«Арсенал» АПЛнинг 2024/25 йилги мавсумида «Вулверхэмптон»га қарши биринчи тур учрашувида ғалаба қозонди (2:0).

«Канонирлар»нинг франциялик марказий ҳимоячиси Уильям Салиба ушбу учрашувда асосий таркибда майдонга тушди, у учун бу учрашув Англия Премьер-лигасидаги 66-ўйин бўлди.

Ушбу ўйиндаги ғалаба 23 ёшли франциялик учун Премьер-лигадаги 50-ғалаба бўлди. У «Арсенал» тарихида Премьер-лигада 50 та ғалабага эришган энг тез футболчига айланди.

Бу ютуқ аввалроқ «канонирлар»нинг собиқ ҳимоячиси Начо Монреалга тегишли бўлиб, у Лондон жамоасига Англия чемпионатида 50 та ғалаба қозониш учун 70 та ўйин ўтказиши керак эди.