"Барселона" ҳужумчиси Роберт Левандовски Ла Лиганинг 1-тури доирасидаги "Валенсия" устидан қозонилган ғалаба (2:1) ҳақида фикр билдирди. Польшалик форвард дубль қайд этди.
"Кўплаб ёшлар иштирок этган жуда оғир ўйин... Жуда қийин майдон. Ҳозир бизда кейинги ўйинга тайёргарлик кўриш учун бутун бир ҳафта бор.
Бугун ёшлар жуда яхши ўйнашди. Энг муҳими, уч очко билан кетамиз. Биринчи бўлим тугагунига қадар ҳисобни 1:1 қилиб қўйиш жуда муҳим эди. Охирги дақиқаларда ўйинни назорат қилиб олдик.
Бу мавсумдаги мақсадим гол уриш. Ишонч қозонадиган тарзда бошлаш жуда муҳим", - деди Левандовски Marca билан суҳбатда.
