«Ал-Ҳилол» ҳимояни юлдуз футболчи билан мустаҳкамлаш ниятида. Саудия клуби ҳимоянинг ўнг қанотида ўйнаш учун футболчи қидирмоқда - «Манчестер Сити» шарафини ҳимоя қилаётган Кайл Уокер ва Жоау Канселу, шунингдек, «Байер»дан Жереми Фримпонг номзодлар рўйхатидан жой олди, деб хабар беради журналист Жек Гаган. Кўринишидан, нидерландияликни Саудия Арабистони чемпионлари устувор номзод сифатида кўрмоқда.
"Transfermarkt" экспертлари Уокер ва Канселунинг нархини мос равишда 13 ва 25 миллион еврога баҳоламоқда. Фримпонгнинг худди шу порталдаги нархи 50 миллион евро.
